དེ་ཡང་<<གཡུང་དྲུང་བོན་གྱི་ཆེས་མཐོའི་གཙུག་ལག་སློབ་གཉེར་ཁང་>>གི་གཞི་རྩའི་སྒྲིག་ལམ་ལྟར་ལོ་བསྟར་བཞིན་བོད་ཟླ་བརྒྱད་པའི་ནང་གི་རྩོད་རྒྱུགས་ཆེན་མོ་དང་། བོད་ཟླ་བཅུ་པའི་ནང་གི་ཚད་མ་རིགས་སྒྲ་ཆེན་མོ། བོད་ཟླ་བཅུ་གཅིག་ནང་གི་བྲིས་རྒྱུགས་ཆེན་མོ་བཅས་ཀྱི་སྒོ་ནས་བཤད་སྒྲུབ་སློབ་གཉེར་བ་རྣམས་ཀྱི་རིག་ལམ་ལ་སྐུལ་ལྕག་དང་སློབ་སྦྱོང་གོང་འཕེལ་གཏོང་བའི་ཐབས་ལམ་ཇི་དགེ་འདོན་བཞིན་ཡོད་པ་མ་ཟད།

བདེ་ཆེན་འཁོར་ལོར་པད་དཀར་འདབ་མ་བཞད།། སྙིང་རྗེའི་རང་གཟུགས་སྤྲུལ་པའི་ལྷ་ཞལ་འཛུམ།། ཐུགས་བསྐྱེད་ཟླ་བ་བཞུས་པའི་རླབས་རིས་ལས།། འཕྲིན་ལས་འོད་དཀར་ཕུང་པོ་སྲིད་འདིར་འབར།། གཡས་འཁྱིལ་དུང་གི་ལྷག་བསམ་སྒྲ་དང་བསྡེབས།། གཞན་ཕན་ཉི་མའི་འོད་ཟེར་ཐུགས་དང་བསྲེས།། ཀུན་ཤོང་ལྟ་བ་ནམ་མཁའི་ཀློང་དང་འདྲེས།། སྐུ་ཚེའི་གཡུང་དྲུང་འོད་དུ་སྦྲུམ་པར་མཛད།། དུས་གསུམ་ལྷ་གཤེན་ཐུགས་རྗེའི་ཉག་ཐག་ལ།། དད་པའི་ཕྱག་གིས་དམ་དུ་འཇུས་ནས་སུ།། སྒོ་མཛོད་ཐེག་དགུ་རྟོགས་པའི་མེ་ཆེན་པོ།། མི་ནུབ་སེམས་ཀྱིས་གསོས་པའི་རྣམ་ཐར་ཟབ།།

ང་ལམ་དུ་ཆས། ཁེར་རྐྱང་ངང་ལམ་དུ་ཆས། ཕར་སྐྱེལ་བའི་སྐྱེལ་མ་བྱེད་མཁན་མེད་ལ། ཕྱིར་སླེབས་པའི་མགྲོན་བསུ་བྱེད་མཁན་ཡང་དེ་བས་མེད། ང་ལ་ཅི་ཞིག་ཡོད་པ་ནི། དྲང་བདེན་དང་ཆོད་སེམས་ཀྱིས་ཁེངས་པའི་གླིང་བུ་ཚིག་གསུམ་འདི་ཡིན། ངས་ནམ་རྒྱུན་བཞིན། དེ་རིང་ཡང་གླིང་བུ་འབུད་ཀྱིན་ལམ་དུ་ཆས། འདི་ནི་ངའི་གཤིས་ཀ་ཟེར་ནའང་འདྲ། ངའི་ཕ་མེས་ཚོས་ང་ལ་བཞག་པའི་འགན་འཁྲི་དེ་རེད། ང་ལམ་དུ་ཆས། ཁེར་རྐྱང་ངང་ལམ་དུ་ཆས། གླིང་བུ་འབུད་ཀྱིན་ལམ་དུ་ཆས།